أسعار الخضروات والفاكهة اليوم في مصر السبت 14 مارس 2026 استقرار نسبي بسوق الجملة للمستهلك

أسعار الخضروات والفاكهة اليوم السبت 14 مارس 2026 بقت سؤال بيتكرر كتير عند الناس قبل ما تنزل السوق، لأن ببساطة كل بيت عايز يعرف هيدفع كام في الشنطة النهارده، ووفق حركة البيع في سوق الجملة بالقاهرة الأسعار النهارده باينه مستقرة إلى حد كبير، مفيش قفزات مفاجئة ولا هبوط كبير، يعني الوضع هادي شوية مقارنة بأيام فاتت، وده بيخلي ناس كتير تتنفس براحة حتى لو الزيادات القديمة لسه مأثرة على مصاريف البيوت شوية.

أسعار الخضروات اليوم في السوق
لما نبص على أسعار الخضروات والفاكهة اليوم هنلاقي إن الخضار تحديداً ماشي على وتيرة هادية، التجار بيقولوا إن الكميات موجودة بشكل معقول، وعشان كده الأسعار مش بتتحرك بسرعة، بس برضو السوق عمره ما بيفضل ثابت كتير، يوم يطلع ويوم يهدى، وده شيء الناس بقت متعودة عليه بصراحة.

— الطماطم بتتحرك تقريباً بين 12 و18 جنيه للكيلو، وناس كتير شايفة السعر مقبول شوية مقارنة بفترات عدت كانت أعلى بكتير.

— البطاطس حوالى 5 لحد 10 جنيه، وده من الحاجات اللى بتطمن أى بيت لأن البطاطس تقريباً موجودة فى كل طبخة.

— البصل الأبيض بين 4 و10 جنيه، بينما الأحمر من 9 لحد 15 جنيه، والفرق بينهم واضح حسب الطلب فى السوق.

— الكوسة من 12 لحد 18 جنيه، والباذنجان البلدى حوالى 14 إلى 20 جنيه، يعنى الأسعار مايله للهدوء.

— الملوخية قربت من 25 لحد 30 جنيه، واه بصراحة السعر ده يخلى الواحد يفكر يشتريها مرة ويأجل مرة.

أسعار الفاكهة اليوم في السوق
اللى بيدور على أسعار الخضروات والفاكهة اليوم هيلاحظ إن الفاكهة فيها تفاوت بسيط، وده طبيعى لأن المواسم بتفرق كتير، بعض الأصناف متوفرة بكثرة وبعضها قليل شوية، وده اللى بيحدد السعر فى النهاية، وانا شايف إن الموضوع كله عرض وطلب مش أكتر.

— البرتقال البلدى حوالى 9 إلى 13 جنيه، والبرتقال السكرى قريب من نفس المستوى.

— أبو سرة بيتراوح تقريباً بين 10 و20 جنيه للكيلو حسب الحجم.

— الليمون البلدى بيدور بين 18 و24 جنيه، وناس كتير شايفة إنه معقول.

— الفراولة حوالى 12 إلى 17 جنيه، وده سعر يخلى ناس كتير تشتريها للأطفال بدون تردد.

— التفاح المستورد ممكن يوصل من 50 لحد حوالى 100 جنيه للكيلو.

أسعار الخضروات والفاكهة اليوم بتقول إن السوق ماشى بهدوء نسبى، مفيش مفاجأت كبيره النهارده، وده خبر كويس لأى حد نازل يشترى احتياجات البيت، بس برضو محدش يقدر يضمن بكرة الأسعار هتعمل إيه، السوق بيتغير بسرعة، والسؤال دلوقتى، هل الاستقرار ده هيكمل الأيام الجاية ولا هنصحى على رقم مختلف تانى.