حرصت الفنانة ليلى علوي على إحياء ذكرى رحيل والدتها من خلال نشر استوري على موقع فيس بوك أثناء زيارتها للمقابر، كتبت: “النهارده الذكرى الثامنة لأمي، الله يرحمها ويعفو عنها، ويرحم ويعفو عن كل الأمهات والأموات جميعاً، النهارده كأني عشت نفس اليوم اللي مرّ عليا في ٢٥/٨/٢٠١٧، العمر كله شايفاها وحسها، كأني عايشة بضحك وببكي وبدعيلها، وحشتني أوي ومفتقداها، والوجع على فراقها لسه زي ما هو”
وأضافت: “اللي بيهون عليا إني مطمئنة عليها، لأنها كانت إنسانة راقية ومؤمنة بالله وبتعمل خير كتير، تعبت جدًا في تربيتنا، كانت أم صالحة وشالت كتير، ربّتنا بما يرضي الله، أحسن تربية في الأخلاق والمبادئ والدين، اتعلمت القرآن علشان تعلّمهولنا”
ثم اختتمت: “بيتهيألي إنها في مكان كويس جدًا، أرجو منكم تقرأوا لها الفاتحة وتدعوا لها، وتدعوا لكل الأمهات، لأن الأم هي أسمى شيء في الوجود، وهي معنى الحياة الحقيقي، الله يرحمها ويعفو عنها وعنا جميعا”
ليلى علوي، فيس بوك، مكان كويس، معنى الحياة، ذكرى رحيل
اترك تعليقاً